Trysorydd

Mae rôl y Trysorydd yn rôl allweddol sydd â chyfrifoldeb am reoli cyfrifon a chyllid y clwb.   

Sut byddwch yn elwa:

• Ymdeimlad o gyflawni, boddhad a rhoi’n ôl
• Rôl allweddol yn eich cymuned
• Cyfarfod llawer o bobl o wahanol gefndiroedd
• Cyfle posib i ddatblygu gyrfa / gwella cyflogadwyedd
• Potensial am hyfforddiant a chymwysterau newydd
• Mewn rôl lle gallwch chi helpu i wella sefyllfa ariannol y clwb

I bwy fyddaf yn atebol?       

• Y Cadeirydd

Am bwy fyddaf yn gyfrifol?      

• Casglwr/wyr ffioedd gemau / hyfforddi ac ysgrifennydd codi arian y clwb

Yn ddelfrydol, bydd disgwyl i chi fod yn berson â’r nodweddion canlynol:

• Trefnus iawn – gallu diweddaru cofnodion ariannol yn gyson
• Manwl iawn wrth drin arian a sieciau
• Eithriadol onest
• Gallu ateb cwestiynau o natur ariannol mewn cyfarfodydd

Beth fyddwch yn ei wneud?

• Gofalu am gyllid y clwb
• Cadw cofnodion ysgrifenedig manwl o bob cyfrif a sicrhau bod y clwb yn gweithredu oddi mewn i’w gyllideb flynyddol
• Mynychu cyfarfodydd y Pwyllgor a’r CCB
• Dal cyfrif banc yn enw’r clwb
• Gweithredu fel prif lofnodwr cyfrif y clwb (a phenodi tri arall fel y cytunwyd gan Bwyllgor y Clwb)
• Paratoi mantolen flynyddol a thaflenni elw a cholled ar gyfer y CCB
• Casglu tanysgrifiadau a’r holl arian sy’n ddyledus i’r sefydliad
• Sicrhau bod y clwb yn aelod o’r Corff Rheoli Cenedlaethol a’r gynghrair (cynghreiriau) a gweithio gyda’r Ysgrifennydd i gofrestru chwaraewyr
• Cadw cofnodion diweddar o’r holl drafodion ariannol
• Sicrhau bod yr holl arian parod a’r sieciau’n cael eu rhoi yn y banc yn brydlon
• Talu biliau a chofnodi gwybodaeth, sicrhau bod arian yn cael ei wario’n briodol
• Rhoi derbynebau am yr holl arian a dderbynnir a chofnodi’r wybodaeth hon
• Adrodd yn ôl yn rheolaidd i’r pwyllgor ac yn y CCB ar sefyllfa ariannol y clwb
• Paratoi a threfnu datganiad diwedd blwyddyn o gyfrifon i’w harchwilio
• Helpu i baratoi a chyflwyno unrhyw ddogfennau statudol gofynnol (e.e. ffurflenni TAW, Talu Wrth Ennill ac Yswiriant Gwladol, adroddiadau cymorth grant)
• Hyd yn oed os yw’r dyletswyddau hyn yn cael eu dirprwyo i swyddog proffesiynol, y Trysorydd sy’n gyfrifol yn y pen draw. Y Trysorydd ddylai sicrhau bod unrhyw waith a gaiff ei ddirprwyo’n cael ei wneud yn briodol.

Faint o amser fydd hyn yn ei gymryd?

Tua 2 i 3 awr yr wythnos, ond bydd hyn yn dibynnu ar natur eich clwb/sefydliad chwaraeon.